Навоий шаҳридаги “Тинчлик” тантаналар мажмуасида “Нуронийларга эҳтиром” номли маънавий-маърифий тадбир бошланмоқда. 08.03.2023

Тадбир аввалида вилоятимиз равнақи йўлида турли соҳаларда меҳнат қилиб, ҳозирда кексалик гаштини сураётган нуроний отахон ва онахонлар, бугун орамизда йўқ фахрийларимизнинг яқинлари, фаоллар ва ёшлар вакиллари шаҳар марказида қад ростлаган Алишер Навоий ҳайкали пойига гулчамбарлар қўйиб, буюк шоир руҳига эҳтиром кўрсатилди.

Тадбирнинг Навоий вилояти ҳокимлиги ахборот хизматининг youtube каналида ва Facebook тармоғидаги расмий саҳифасида тўғридан-тўғри намойиш этилади.

Бироздан кейин интернет тармоғидаги расмий саҳифаларимизнинг қуйидаги ҳаволалари орқали тўғридан тўғри томоша қилинг.

“Нуронийларга эҳтиром” маънавий-маърифий тадбиридан кўзланган асосий мақсад Президентимизнинг инсон қадрини улуғлаш ва нуронийларни қўллаб-қувватлаш ҳамда уларга эҳтиром кўрсатиш борасидаги даъватларига жавоб, шу билан бирга, кўпмиллатли халқимизнинг аҳил турмушини янада мустаҳкамлаш, ўзаро тотувликда Янги Ўзбекистонни барпо этиш йўлидаги фидокорона меҳнатларини эътироф этиш, ёш авлодга ўрнак қилиб кўрсатишдан иборатдир.

Навоий шаҳридаги “Тинчлик” тантаналар мажмуасида “Нуронийларга эҳтиром” кечасига таклиф этилган меҳмонлар – юрт равнақи йўлида турли соҳаларда меҳнат қилиб, ҳозирда кексалик гаштини сураётган отахон ва онахонлар, бугун орамизда йўқ фахрийларнинг яқинларини ёш авлод вакиллари оркестр ижросидаги қувноқ мусиқа ва гулдасталар билан кутиб олдилар.

Нуроний авлод билан дийдорлашув ва эъзоз тадбири инсон қадри улуғланаётган жамиятимизда Навоий вилоятининг ҳар томонлама ривожланишида ўзининг муносиб ҳиссасини қўшган фидойи инсонлар, меҳнат фахрийлари ва уларнинг яқинларига кўрсатилаётган эъзоз ва эҳтиромнинг камтарона намунаси бўлди.

Вилоят раҳбари Нормат Турсунов иштирокчилар олдида нутқ сўзлаб, ўз меҳнати билан давлатимиз эътирофига эришган фахрийларга, бугун орамизда йўқ вилоят фахри бўлган фидойи инсонларнинг яқинларига эҳтиром билдирди.

Турли нозу неъматлар билан безатилган тўкин дастурхон атрофида йиғилган азиз меҳмонлар республикамизда таниқли санъаткорларнинг дилбар куй-қўшиқлари ва рақсларидан баҳраманд бўлиб, файзли суҳбатлар қурдилар.

“Нуронийларга эҳтиром” тадбири ва учрашув якунидаги мушакбозлик жараёнлари акс этган фотолавҳалар.