Уч авлод учрашуви — бу уч давр кишиларининг ҳаёт тажрибалари, машаққат ва ғалабалари, инсонпарварлик ва миллий анъаналари жам бўладиган тарихий жараён.
Бугун, 23-феврал куни Тошкент ҳарбий округига қарашли Чирчиқ гарнизони Маънавият ва маърифат марказида бўлиб ўтган ана шундай учрашувдан кўзланган мақсад ҳам ёшлар ва кекса авлод ўртасидаги мулоқотларни мустаҳкамлаш, муҳим малака ва тавсиялар улашишдан иборат бўлди.
Чирчиқ шаҳар Маҳалла ва нуронийларни қўллаб-қувватлаш бўлими, Чирчиқ ҳарбий прокуратураси, Мудофаа вазирлиги ҳузуридаги жамоатчилик кенгаши Тошкент вилояти ҳудудий бўлинмаси, Ўзбекистон ёшлар иттифоқи Тошкент вилоят Кенгаши ҳамкорлигидаги ушбу тадбирда сўз олганлар кексалар ва ёшлар ўртасидаги устоз-шогирдлик муносабатлари мустаҳкамлаш, фахрийларимиз турмуш даражаси ва ижтимоий фаолликларини янада ошириш, ёшларни ҳарбий-ватанпарварлик руҳида тарбиялаш, ватан равнақи учун дахдорлик туйғуларини шакллантириш борасида муҳим тавсияларни бериб ўтишди. Aйниқса, Мудофаа вазирлиги фахрийлари, маҳалла фаоллари, меҳнат фахрийлари ва ўқувчи-ёшлар ўртасида кечган савол-жавоблар юқори кайфиятда ўтди. Учрашувнинг мусиқий қисми Чирчиқ гарнизони ҳарбий оркестри вакилларининг жанговар ва бахшиёна чиқишлари, яккахон ижролари билан янада файз олди.
Учрашув сўнгида намунали ва фидойи хизматлари учун бир қатор фахрийлар, фаол курсантлар, ўқувчи-ёшлар муносиб тақдирланди.
Материаллардан фойдаланганда e-nuroniy.gov.uzга ҳавола бўлиши шарт.
© Барча ҳуқуқлар ҳимояланган 2024
Диққат сайт тест режимида !
